因安心偷食事件令形象節節下跌兼連累家姐黃心美、哥哥蔡一智、男星張振朗等一眾拍擋並引來過氣港男幫忙護航再搞到成村人要重拍多套劇集同旅遊節目導致無線損失慘重嘅黃心穎（因穎），其中佢有份演嘅《法證先鋒4》重拍細節終於有消息，唔洗淪為冰鮮倉底貨喇！
呢套劇嘅監製梅小青今日就宣布由因穎同屆港姐朋友「靚湯」湯洛雯接棒，頂替因穎嘅角色，因為靚湯早前生日，所以梅小青就話當呢份係生日禮物比佢，兼要佢喺六月一號開機前減十磅！
靚湯就話唔介意執二灘，仲話要減肥都無問題。原本因穎同黃浩然、瓊姐（Yumiko）等都幾多對手戲，因為佢地角色有三角戀，睇嚟六月辛苦晒佢地執呢灘蘇州屎喇！...
See More